Champwine hralh turin Inremna ziahfel a ni

Champhai Grape Grower Soceity (CGGS) leh R&R Sales, New Delhi-te chuan tunhnai khan Delhi-ah sumdawnna kawngah inremna an ziak.

Inremna ang chuan R&R Sales hian CGGS te siam chhuah Champwine an lei ang a, Delhi-ah an zuar ang. Champwine leina zat tur chu a phurh man leh chhiah chawi ngai zat hriatchian hnuah bituk a ni ang.

Inremna thuthlungah hian CGGS aiawhin general manager Hrilchunglura leh director V Lalrindika te'n hming ziakin, R&R Sales aiawhin president Ranjit Goel-a'n hming a ziak thung.

Tunlai hian CGGS-te hian grape chingtute hnen aṭangin Champwine atana siam tur grape an lei mek a, kg. 1 Rs. 60 in quintals 610.29 an lei tawh.