15th Finance Commission inzirtir

Local Administration department leh Public Health Engineering department chuan nimin khan Champhai Kahrawt community hall-ah Champhai district-a village council 62 president leh secretary-te pualin 15th Finance Commission convergence chungchang zirhona an buatsaih a, bawrhsap James Lalrinchhhana'n a hmanpui.

Zirhonaah hian mithiamte'n geotagging, ODF+, plan & estimate, Gram Panchayat Development Plan (GPDP) leh Account Maintenance & Online Audit leh tuberculosis (TB) natna chungchang an hrilhfiah a ni.

Champhai bawrhsap James Lalrinchhana chuan, VC-te chu ram hmasawnna bulṭhuta awm, khawtlang kaihruai tura mipui thlan tlin an nih thu sawiin, "Mahni khawtlang ṭheuh ṭhatna turin ṭhahnemngai takin thawk u la, in hna kaihhnawih dan leh thupekte bel takin hre chiang ang che u," a ti.

An hmalakna hrang hrangte district admi­nistration hriattir ṭhin tur leh an mamawh apiang inthlahrung loa thlen ṭhin turin Bawrhsap chuan a chah bawk.