A rang lama health care sum pek chhuah zel ni se tih a ni

Chief minister Zoramthanga kaih-hruaiin nimin khan CM conference hall-ah Mizoram State Health Care Scheme Governing Body an ṭhukhawm a; health care scheme bill pek chhuah hmabakte chu sorkar sum neih dan azirin a rang lama pekchhuah zel ni se, an ti.

Ṭhutkhawmah hian Asian Deve-lopment Bank (ADB) in Mizoram State Health Care Scheme (MSHCS) changtlung zawk kalpuina tura phalna an pek tawh, a taka tihlawhtling tura tih tur tlema zawng la awm te sawiho a ni.

ADB lamin duh dan an neih pakhat - health care scheme kalpui mek dan aṭanga han thlak ngaite chu thlak rem tih a ni. ADB leh Mizoram sorkar thawhdunna hnuaiah hian mi zawng zawng huap (universal health coverage) health care scheme changtlung leh bill theih zat sang tak chu cashless system hmanga kalpui tur a nih thu tarlan a ni.

Sorkar kum kal meka AB PM-JAY beneficiary thun belh ngai la awmte thun belh rem tih a ni a, AB PM-JAY hnuai vêka sorkar damdawi-inte claim revenue pawh sorkar damdawi-in thuneitute remtihna angin tihdanglam deuh a ni.

MSHCS hnuaia computer engineer-te chu informatics officer tia thlak a ni a; tun dinhmuna health care scheme bill pek chhuah hmabak chungchangah sorkar sum dinhmun azirin a ranglama pek chhuah zel ni se, an ti bawk.

He hunah hian Health & Family Welfare minister Dr R Lalthangliana, Health & Family Welfare Board vice chairman Dr ZR Thiamsanga, MLA; chief secretary Dr Renu Sharma, sorkar hotu dangte leh tlawmngaipawl aiawhte an tel a ni.