Laldenga Centre atan NOC pe turin ngen

Lok Sabha MP C Lalrosanga leh Rajya Sabha MP K Vanlalvenate chuan July 31, 2023 khan Union Home secretary Ajay Kumar Bhalla chu a pisaah an kawm a; Lammuala Laldenga Cultural Centre dinna turah Home Ministry-in no objection certificate (NOC) a pek thuai a ṭul thu an hrilh.

Sorkar thuchhuah tarlan danin, Mizoram MP pahnih hian Union Home Secretary hnenah hian chief minister Zoramthanga'n Manipur raltlan Mizorama lo lutte chhawmdawlna tur pawisa a dil chu tun thlenga pek a la nih loh thu pawh sawiin, a rang thei ang bera tihfel a nih theih nan hma lakpui turin an ngen.

Union Home secretary Ajay Kumar Bhalla chuan MP-te thu thlenah hian a rang thei ang bera Home Minister lo sawipui a tum thu a lo hrilh a ni.