Dy. Chief Minister-in Khawzawl DCSO a hawng

District Civil Supplies Officer, Khawzawl District Office thar chu nimin khan bialtu MLA Tawnluia, dy. chief minister-in a hawng a, Supply minister K Lalrinliana pawh a tel.

Dy. Chief Minister chuan sorkarin district tharte hmasawnna leh changtlunna a ngaihpawimawh thu sawiin, "District tharah district office tam ber chu hawn a ni tawh. Covid hripui lengin hmasawnna hna thawh khaihlak mah se, sorkarin district tharte tuaihnumna kawngah sorkarin hma a la ṭha thawkhatin ka hria," a ti.

Sorkar term kal mekah mipuite nitin mamawh - buhfai, gas, petrol leh a dangte phuhrukna kawngah Supply department hnathawh chu fakawm a tih thu sawiin Tawnluia chuan, "Hripui leng karah pawh chaw leh nitin mamawh hnianghnar taka kan nei thei kha an hna thawh that zia ti lang chiang tu a ni," a ti a, Supply department chungah lawm thu a sawi.

Khawzawl DCSO hi FCI kudam hlui bul, Khawzawl Hermon Vengah a awm a, DCSO tur hian J Vanlalchhuanga dah niin, staff pali an awm dawn.