MLA fund an la dawng kim lo; dawn kim hman loh an hlau

Mizoram MLA-te chuan kum 2023-24 atana MLA Local Area Development Fund an dawn tur ang an la dawng kim lo. Kumin hi inthlan kum a nih avangin MLA fund an dawn kim hman loh an hlauh thu MLA ṭhenkhat chuan Vanglaini an hrilh.

MLA-te hian kum khat chhungin fund cheng nuai 150 an nei a, kum 2023-24 atan hian a zatve cheng nuai 75 an dawng tawh. Kum danga an dawn hun ang chuan a ṭum hnihna cheng nuai 75 dang an dawn a la hun lo a, mahse, inthlan kum a nih avangin an dawn kim hman loh an hlau. Mizoram sorkarin MLA fund pek chhuah hmabak a la neih chu cheng nuai 3,000 a ni.

MLA ṭhenkhat chuan, inthlan puan a nih chuan MLA fund an dawn a remchang tawh dawn lo tih an sawi a; Mizoram sorkarin sorkar laipui aṭangin sum a dawn tur ang a dawn ṭhat avangin a duh chuan MLA fund a pek chhuah theih a rinawm thu Vanglaini an hrilh.