Zángnadawmna dawng tawhte an in ṭhiat tura hriattir an ni

National highway (NH)-54 laih zauh leh siam hna thawh mek vanga Serchhip district-a zángnadawmna pek tawh, an in la ṭhiat si lote chu an in ṭhiat vat tura hriattir an ni.

NH-54 zauh vang hian mi eng emaw zat chuan an chenna in leh an huan/ram an chán dawn a, chu'ng mite chu zangnadawmna pek an ni. Zangnadawmna dawng tawh chunga an in la ṭhiat lo an awm avangin August 1, Thawhlehni khan Ser-chhip additional DC James Lalnithanga hoin sorkar thuneitu te, NHIDCL hotute leh contractor aiawhte'n in la ṭhiah lohte an endik.

Thuneitute chuan Serchhhip, Keiṭum leh Bungtlanga in la ṭhiah lohte an endik a, village council hruaitute'n an lo ṭawiawm. In ṭhiat lote chu ni 10 chhunga ṭhiat ngei turin an hriattir a ni.

Thuneitute chuan vawiin hian Chhingchhip leh Khumtung inkara zangna-dawmna dawng tawh, in la ṭhiat lote an endik leh ang.