Gas man a tlahniam hret

Food, Civil Supplies and Consumer Affairs department chuan Mizorama hman tur gas man a bithliah thar a, domestic cylinder man a danglam lo a, búr dangte man a tlahniam.

Gas man tharah chuan domestic gas búr kg. 14.2 man Vairengteah Rs 1,246 leh Mizoram hmun dang zawngah Rs 1,255 a ni a, a man a pung lo. Commercial cylinder Vairengteah búr khat Rs 2,233 niin, hmun dangah Rs 2,145 a ni a, a man a tlahniam. Xtra TeJ búr chu Vairengteah Rs 2,155 niin, hmun dangah Rs 2,168 a ni. Composite búr chu Vairengteah Rs 889.50 niin, hmun dangah Rs 899 a ni.

Sorkar thupek angin Aizawl leh district khawpuiah home delivery kalpui tur a nih avangin a man pangngai bakah Rs 70 aia tam lo belh tur a ni a, agency kudama hralhah Rs 29.26 paih tur a ni thung. Home delivery kalpui thei ngang lo veng, point delivery kalpuinaah Rs 7.53 belh tur a ni bawk.