SWTA Minister-in Aizawla home pahnih a tlawh

Social Welfare & Tribal Affairs minister chuan Lalrinawma chuan nimin khan SWTA department enkawl home pahnih - Ainawn Venga Old Age Home leh Hunthar Venga Protective Home a tlawh a, SWTA director Zodingpuii leh officer dangte'n an ṭawiawm.

Old Age Home a tlawhnaah Lalrinawma chuan, chhan hrang hrang vanga upa zawkte home-a enkawl ngaia an awm chu pawi a tih thu sawiin, ṭhahnemngai taka enkawl turin enkawltute a chah a; kum upate hlut nacháng hriat a ṭul thu a sawi.

Old Age Home hi Mizoram sorkarin March 1, 1989-a a din a ni a, Mizoram khua leh tui dik tak kum 60 chung lam, enkawltu chhungte nei lote awmna niin, thawktu mi pariatin mi 10 an enkawl mek a ni.

State Social Welfare & Reha­bilitation Centre (Protecttive Home) a tlawhnaah SWTA Minister chuan, thawktute chu an inpeknaah lawmthu a hrilh rualin, ṭanpui ngaite puitu leh tuamhlâwmtu an ni tih hria a, ṭan la zel turin a fuih.

Protecttive Home hi kum 1990-ah din niin, mi 50 awm theihnaa ni a, hmeichhia 43 leh naupang panga awm mekin, thawktu mi 22-in an enkawl. Home-a awmte chu puantah, puanṭhui, beauty culture leh computer-te zirtir ṭhin a ni.