HPC-in Phairothanga dem

Hmar People’s Convention (HPC) General Headquarters chuan thuchhuah siamin, ZPM PAC member aṭanga báng ta Phairothanga'n a bàn chhan a tarlanah, chi/hnam bil politics chawk nung thei a duh loh thu leh kumin 2023 inthlanpui awm turah ZPM leh HPC inbiakna chu kohhran leh NGO-te duh dan kalh a nih thu a tarlang chu an ngaih thutak thu leh an hriatthiam loh thu an tarlang.

HPC chuan, HPC party chu Election Commission of India-a inziak lut, registered party a nih thu leh Mizo zawng zawng an len vek thu an tarlang a, "HPC party hian MLA election apiang hian candidate a siam loh chuan Mizoram party hrang hrangte a lo thawhpui vek tawh a, kohhran leh NGO kalh zawngin vawi khat mah hma a la ngai lo," an ti.

HPC chuan chi/hnam bil boruak ṭha lo siam thei zawnga thuchhuah siamah Phairothanga an puh a, tun hnuah ti tawh lo tur leh hnam/chi bil boruak chhe thei zawnga politics khel tawh lo turin an ngen a ni.