KHAWTHLIR

August 2023-ah tihfel hman beisei

MPCC president Lalsawta chuan, kumina Mizoram Assembly inthlanpuia an candidate turte chu August thla chhungin an tihfel an beisei thu a sawi. Lalsawta hian nimina press conference a neihnaah zawhna chhangin, August thla chhungin Congress party candidate tur zawng zawng an tihfel lo a nih pawhin a tam zawk chu an tihfel an beisei thu a sawi a ni.

Ruihhlo man

Assam Rifles sipaite leh Mizoram Police-te chuan nimin khan Zokhawthar leh Melbûk inkarah Liannghaka (24, Thingchang, Myanmar hnen aṭangin heroin gram 114 an man a, Zokhawtharah ram dang meizial báwmpui (case) 20, beer bawm 81 leh zu báwm 15 an man bawk. Heroin an man hi Rs 79,80,000 hû a ni a, zu, beer leh foreign cigarette an man chu Rs 29,51,600 hû a ni.

Zakapa Award

Social Welfare & Tribal Affairs department hnuaia Women & Child Development chuan kumin aṭangin mimal, pawl leh zirna-ina hmeichhiate dinhmun chawikan leh humhimnana alam thawk ṭhate tan Zakapa Award an sem dawn. Award hian Rs 1,00,000 leh thuchei a keng dawn a, award dawng tura rawt duh neite tan an awmna DC pisaah August 28, 2023 thleng thehluh theih a ni.

Youth 20 Meet

Sports & Youth Services department leh Mizo Zirlai Pawl chuan nimin khan Saitual Saitual College-ah Youth 20 Meet on Patriotism, Nationalism & Development an buatsaih a, Human Resource Development Board vice chairman L Thangmawia, MLA-in a hmanpui. Meet hi Saitual College principal Lalzarmawia'n kaihhruaiin, khuallianin thu a sawi a, MZP adviser Lalhruaitluanga Chawngte-in thupui a sawi a ni.

Kawlphetha sawiho

Power & Electricity secretary H Laleng­mawia kaih­hruaiin nimin khan a pisaah mipuiin awlsam leh hahdam zawka ni tin mamawh hrang hrang an chhawr ṭangkai theih dan tur zirhona, 'Workshop on Promoting East of Living' neih a ni.