Sorkarin July hlawh a la pe lo

Mizoram sorkar chuan a hnathawkte July 2023 thla hlawh nimin thleng khan a la pe chhuak lo a; June 2023 hlawh a pek chhuah hun aiin a tlai zawk dawn.

Treasury aṭanga thu dawn danin, sorkar hnathawkte July thla hlawh chungchangah Finance department aṭangin Treasury-te'n thu dawn an la nei lo. Finance department-in hlawh tur a pek chhuah veleh sorkar hnathawkte hnenah a rang thei ang bera an pek chhuah tur thu Treasury-a thawkte chuan an sawi.

Mizoram sorkar hnuaia a nghet loa thawk, provisional employee-te June thla hlawh chu June tàwp lam aṭanga pek chhuah a ni a, a ngheta thawkte hlawh chu July 5 aṭanga pek chhuah ṭan niin, pensioner-te hlawh chu July 10-ah pek chhuah ṭan a ni.

Provisional employee-te chuan June hlawh aiin July hlawh an la tlai chiang tawh a, a ngheta thawkte pawhin vawiin leh naktuk sorkar chawlh a nih avangin June aiin July hlawh an la tlai dawn. Pensioner-te hlawh chunghang erawh hriat theih a la ni lo.