ZPM hi kut hnathawktute tana policy mumal nei awm chhun kan ni - ZPM GS

ZPM party chuan nimin khan an pisaah political session hun an hmang a; thu sawitu Dr KC Lalmalsawmzauva, general secretary chuan, ZPM chu Mizoramah kut hnathawktute tana policy mumal nei awm chhun an nih thu a sawi.

Dr KC Lalmalsawm-zauva, Mizoram dam khaw­chhuahna turin agriculture leh a kaih­hnawiha hmalak a ṭul tih sawiin, "ZPM hi Mizoramah kuthna­thawktute tana policy mumal nei awm chhun kan ni. Party ṭhenkhatte'n agriculture buaipui chu a hlâwk lo, ram chang­kangte economy innghahna agriculture a ni ngai lo an ti. Heng mite hian in ban phun loin a chung chih an tum a ni," a ti.

Ram changkangte nen inkhaikhin theih a ni lo tih sawiin Lalmalsawmzauva chuan, "Industry kan sawi hmain surplus product nei turin ZPM chuan price support nen tlai thlan bikah bul kan ṭan ve dawn leih leih chauh a ni," a ti a; sorkar kal tawhte'n pawisa an sem tawhte chu thlai pakhat talah hlawhtlinpui ni se a zia deuh tur thu a sawi.