Pawl 7-in thisen unit 281 an pe

August 5, Inrinni khan Mizoramah pawl pasarihin thisen unit 281 an pe. ṬKP, Zotlang Bial chuan BCM Aizawl West Kohhran Hall-ah Civil Hospital, Aizawl tan unit 111 an pe a, petute mipa 83 leh hmeichhia 28 an ni a; ṬKP, Mission Vengthlang Bial chuan BCM, Tlangnuam Kohhran Hall-ah Synod Hospital tan unit 51 an pe a, petute mipa 36 leh hmeichhia 15 an ni.

Civil Hospital, Aizawl Blood Centre-ah Adventist Youth Federation-in unit 44 pein, petute mipa 43 leh hmeichhia pakhat an ni a; Mizoram UPC hnuaia General PYD-in unit 30 pein, petute mipa 26 leh hmeichhia pali an ni. Mimala pe mi pathum an awm bawk.

Mampuiah ṬKP, LIKBK Ṭhalai Pawl leh PYD-te'n a huhoin Lawngtlai District Hospital tan unit 45 an pe a, ṬKP-in unit 24, LIKBKṬP-in unit 19 leh PYD-in unit khat an pe a ni.