Kolkata-ah Manipur Zo hnahthlakte tan kawngzawh

Kolkata-a Mizote chuan Manipur-a Zo hnahthlakte tawrhna an tawrhpuizia leh remna leh muanna a awm an duhzia lantir nan August 5, Inrinni khan Salt Lake, Kolkata-ah kawngzawh an huaihawt.

Solidarity March-ah hian mi 300 vel an tel a, Kolkata-a Mizote bakah, hnam dangte pawh an tel a, Salt Lake-e City Center aṭanga Karunamoyee thleng kawng an zawh. Manipur-a Zo hnahthlak hmeichhiate pawngsual leh thah an dem thu te, sorkar laipui chu ngawi reng loa remna a awm theih nan hma la tura an phût thu te, hmeichhiate venhim a ṭul thu te, Manipur-ah rorelna dik awm se an duh thu te, pawisawi lote venhim a ṭul thute leh thu ziak dang dang an keng a; ngawi rengin kawng an zawh a ni.