Vaivakawnah in a chim belh

Vaivakawn Zohnuaia Vanlalkunga in, leimin vanga July 27, 2023-a chim ṭhen tawh bâng chu nimin zing dar 6:30 vel khan a chim belh.

Thu dawn danin, Vanlalkunga in a chim belh hnu hian a bul chiaha in pawh a him lo hle a, chim mai thei dinhmunah a ding a ni.

Vanlalkunga te leh an ṭhenawmte hi July 4, 2023 khan an inthiar chhuak tawh a ni.

Vaivakawna leimin vanga a hnuaia National Highway-54 ping ṭhin chu nimin zinga in chim avang hian a ping lo a, mahse, fimkhur thilah nimin zing dar 8 khan kawngpui khâr rih a ni. Lengpui Airport lama kal turte chu Sakawr­tuichhun lamah kal tura ràwn an ni.