BJP-in Handloom Day an hmang

BJP, Mizoram Pradesh chuan nimin khan an pisaah National Handloom Day pualin hun an hmang a; an president Vanlalhmuaka chuan, "Kum nga chhungin handloom hmanga eizawng tur mi 20,000 - 30,000 neih hi kan target a ni," a ti.

Vanlalhmuaka chuan, Mizoramah kut hnathawktu tam tak chu hlawhtlinna kawng dapin harsa takin hma an la tih sawiin, "Anmahni puitu tur state sorkar hian an pui thei lo hi a hahthlâk hle," a ti a; Mizoram sorkarin puan tahtute puihna tur sorkar laipui aṭanga hai luh harsa a ti nia sawiin, mak a tih thu a sawi.

Kumina MLA inthlanpuiah BJP an tling a nih chuan kut hnathawktute mai ni lo, state sum deh chhuah nasa takin an tipung dawn niin a sawi a, "Leiba ngah ber nihna aṭanga tâl chhuah hi BJP, Mizoram chuan kan thil tum lian em em a ni," a ti.