KHAWTHLIR

Hlawh pe chhuak

Mizoram sorkar chuan sorkar hna a ngheta thawkte July, 2023 hlawh tur nimin aṭang khan a pe chhuak ṭan a, pensioner-te hlawh tur pek chhuah hun tur erawh hriat a la ni lo. Tarlan tawh angin, work charge leh provisional employee-te hlawh chu August 7, Thawhṭanni khan pek chhuah a ni.

CM-in hlan

Chief minister Zoramthanga, Aizawl East-I bialtu MLA chuan nimin khan a pisa-ah a bial chhung mi Gracy Lalawmpuii d/o C Lalnunpara, Mizoram University exam-a M.Sc Life Science gold medalist hnenah lawmpuina thuziak leh laptop a hlan. Chief Minister chuan, a bial chhungah zirlai chhuanawm tak a awm chu lawmawm a tih thu hrilhin, a kal zelna turah duhsakna a hlan.

Sawifiahna

August 8, 2023-a Vanglaini chan­chinbua 'Social Media hman thiam a ngai' tih thuziaktu Lala, Khobung tih kha Mizoram State Law Commission chairman Lala Khobung hi a ni lo tih chhiartute kan hriattir e.