Lei khì vangin Lawngtlaiah in 2 ṭhiat

Tun hnaia ruahsur nasa vangin Lawngtlai Electric Vengah lei khî leh tlahniam vangin chhungkaw 26 chu hmun himah sawn chhuah an ni a, nimin khan V Chhungliani in leh Saichunga in chu luah zui zel ngam a nih loh vangin khawtlangin an ṭhiat.

Lawngtlai Electric Veng VC president K Laldinmawia chuan, an venga lei khîkna huam chhungah lei chêt zui dan azirin in dang ṭhiah ngai a la awm belh theih thu a sawi. Lei chetna hmun hi Lawngtlaia sorkar lam thuneitute'n ngun takin a vil reng a ni.

Hetih lai hian, Bungtlang South khuaa H Lalremruatpuia in chu luah zui ngam a nih loh a nih avangin ṭhiah a ni a, Bungtlang South-ah vêk hian Enkawla in pawh leimin vangin a tlu bawk.