Chief Minister-in Lalruatfela a lawmpui

Chief minister Zo-ramthanga chuan nimin khan a pisaah tun hnaia Commonwealth Weightlifting Champion-ship, 2023-a gold medal latu Lalruatfela, Bungzung chu a pisaa léngah a sáwm a, lawmpuina a hlân. Lalruat­fela hian kg. 81 youth category clean and jerk-ah belh khawmin kg. 280-a rit a cháwi a ni.

CM Zoramthanga chuan, intihsiakna hautak takah hnehtu a ni thei chu lawmawm a tih thu sawiin, "Tun hnaiah Mizo ṭhalaite'n infiamna huang hrang hrangah hlawhtlinna duhawm tak tak an chang hian rilru a tihlim hle. Covid-19 hripuiin min chîm vanga harsatna tam tak karah kan ṭhalai infiammite'n hma lam an pan zel tih hriat hi a nuam em em a ni," a ti.