Pawisa thira tui leina kháwl hawng

Deputy chief minister Tawnluia chuan August 9, Nilaini khan SAD conference hall-ah Aizawl Smart City hmalaknaa Aizawl hmun hrang hranga pawisa pea tui in tur dawhna, Roadside Drinking Water Kiosk leh hman khat daih plastic tui ûm tihrîralna Reverse Vending Machine a hawng.

Kawngsira chawhmeh zuarte tana Aizawl Smart City Limited siam dawhkan changkang ‘Street Vendors Modular Kiosks’ hi 94 siam a ni a; thir ṭha chi leh darthlalanga siam niin, pawhdawh kalh theih a awm tel bawk a ni.

Roadside Drinking Water Kiosk hi Aizawla hmun 24-ah bun a ni a, Re 1 thîrin tui litre chanve (ml 500) leh Rs 2 thîrin litre khat lei theih a ni.

Reverse Vending Machine chu hman khat daih plastic ûm ruak tihrîralna khawl niin, Aizawla hmun 17-ah dah a ni a, ûm ruak nawr luhna a awm a, gram 80 aia rit erawh khawlin a la lut thei lo.

Deputy Chief Minister hian Aizawl kawng sira chawhmeh zuarte hnenah Street Vendors Modular Kiosks - dawhkân a hlan bawk.