Mizoram Synod-in National Protest Day an hmang

Mizoram Synod Office-a thawkte chuan nimin zing khan National Protest Day an hmang a, Dalit Kristian-te leh Muslim-te tan an ṭawngṭai rual.

National Protest Day hi Dalit Kristiante leh Dalit Muslim ten an chanvo tur Kristian/Muslim an nih avanga an chan loh ṭhin duh lohzia lantir nan August 10-ah hman ṭhin a ni.

Kum 1950-ah khan scheduled caste chungchangah India President-in thupek a chhuah a, 'Dalit-te chu Hindu sakhua ni lo, Kristian emaw, Muslim emawah an inleh chuan scheduled caste-ah chhiar tel theih an ni lo ang,' tih a ni.

Hei vang hian Dalit Kristian leh Muslim-te chu SC-ah telh an ni ta lo a, hnam hnuaihnung an nih anga chanvo leh hamṭhatna an chan turte an hloh vek a ni.