Sericulture leh MZU-in Inremna thuthlung ziak

Sericulture depart-ment leh Mizoram Uni-versity-a Department of Biotechnology chuan nimin khan Eri buhchiûm zirchianna turin thawh-hona thuthlung, memo-randum of understanding (MoU) an ziak.

MoU hi kum thum chhung atan ziah a ni a; MZU aiawhin registrar Prof. Lalnundanga leh Department of Biotech-nology HoD Prof. John Zothanzama ten hming an ziak a, Sericulture department aiawhin secretary C Lalrosanga leh director V Zothansanga ten hming an ziak.

Thawhdunna turah Eri buhchiûmte India sipaite tan leh an uisathiamte tan chaw ṭha pek tlâk a nih leh nih loh finfiahna tura zir chian leh Seri­culture hmasawnna tura hmalakhona turte a tel.

Zirchianna hi sorkar laipuia Defence Research and Development Orga­nisation (DRDO), Indian Institute of Technology (IIT) - Guwahati, Mizoram University leh Sericulture department ten an kalpui dawn a ni.