Motor chesualah mi 2 thi

Nilaini zan zanlai pelh hnu deuh khan Serchhip district-a Théntlang khaw dáiah Ashok Leyland truck a chesual a, motor neitu VL Muanawma (46) s/o R Changliana, Serchhip AOC Veng chu a hmunah a thi. Thu dawn danin, truck hi Lalkohbika khalh a ni a, kawng thlangah metre 100 vel a lum a ni.

Nimin vêk chhun dar 12 vel khan Aizawl leh Serchhip inkara tlân maxicab pakhat chu Serchhip khaw chhunga Bilzelah chesualin, kawng thlangah a lum a; a khalhtu Zorempuia (20) s/o Thankima, Lungpho chu chetsualna hmunah a thi. Chetsual lai hian maxicab-ah hian driver chauh a chuang a, kawnga inher a tumna lamah hnung lam kawng thlangah a tawlh liam nia sawi a ni.