Rs 5,90,70,000 chawi turin NGT-in NHIDCL te a hriattir

National Green Tribunal (NGT) Eastern Zone Bench, Kolkata chuan National Highway Infrastructure Development Corporation Limited (NHIDCL) chu Mizorama NH-54 kawngpui laih danah dan an bawhchhiat avangin Rs 5,90,70,000 chawi turin a ti.

NGT-in nimina thupek a tihchhuaha a lan danin, August 10, 2023-a affidavit an dawnah NHIDCL-in NH-54 kawngpui an laihnaah leivung paih leh a kaihhnawih thilah dan an bawhchhe nasa hle tih tarlan a ni a, chuvang chuan environmental compensation Rs 5,90,70,000 chawi turin a hriattir a ni. NHIDCL sum chawi tur chu bawhzui turin Mizoram sorkar a hriattir nghal.

NGT hian Mizoram sorkar chu kawng laihnaa dan bawhchhiatnaa NHIDCL lama mawhphurtute laka FIR thehlut turin a hriattir a; Mizoram Chief Secretary chu thubuai ngaihtuah leh hun, September 13, 2023-ah affidavit thehlut turin a hriattir bawk.

NGT hian thupek hi Vanram-chhuangi'n thubuai a thehluh kal zela a tihchhuah a ni.