Myanmar ráltlân ṭanpuina hlân

Mission Foundation Movement (MFM) chuan August 12, Inrinni khan Durtlang Leitana Myanmar refugee camp-a awm Myan-mar ráltlânte hnenah ṭanpuina, ei leh in tur chi hrang hrang ṭhahnem tak a hlan.

Leitan camp-ah hian Myanmar ráltlân mi 48 awmin, naupang 18 leh kum 60 chung lam mi pahnih an tel a; naupang, sikul kai rualte chu sikul kaltir vek an ni. An awmna in hi Vanlalrinmawia, Saron Veng in a ni a, luah man awm loin an khawsa mek.

MFM leh Nations UK ṭang dun chuan Ṭhàizáwl, Nghalchâwm, Sairang, Sih-hmui, Khamráng leh Tuirial khuaa Myanmar ráltlânte ṭanpuina an lo pe tawh bawk.