Tlawngah mi pahnih an tla

Nimin chhun dar 12 vel khan Tlawng lui, Sihhmui lei bula Nghalchàwm kàiah Lalmuanpuia (26) s/o Rokhuma leh Lalropeka (15) s/o Lalpekmawii, Ramthar Veng, Aizawl ve ve an tla a, nimin tlai thleng khan hmuh an la ni lo.

Ramthar Veng aṭanga thudawn danin, Lalmuanpuia leh Lalropeka te hi ṭhian hoa pian champha lawm tura kal an ni a; Tlawng luiah an tla tih hriat a nih veleh Ramthar Veng Local Council leh YMA hruaitute chu vanduaina thlenna hmunah an kal nghal a, a theih ang anga tuitla zawn hna thawh a ni. Tuitla zawng hian Sairang leh a chhehvel khuaa mi tlawmngai eng emaw zat an thawk chhuak bawk.