Delhi-a I Day-ah tel dawn

Border Roads Organisation (BRO)-in hna thawk tura an rawih (casual labour)-te chu kumin Independence Day lawmna pui ber, Red Ford, New Delhi-a hmanah special guest an ni dawn a; Mizoram aṭangin BRO-in labour an rawih mi pahnih an tel dawn.

BRO tarlan danin, New Delhi-a Independence Day vawi 77-na lawmnaah hian BRO casual labour mi 50 chu special guest an ni dawn a; Mizoram aṭangin Bungtlang South khaw mi pahnih - Binot (mipa) leh Daroimala (hmeichhia) te an tel dawn a, Lai hnam incheina (traditional dress) an entir dawn a ni.