Chawimawina dawng dawn

Lunglei Police Station-a sub-inspector Lalnuntluanga chu hnu chhuina lama thawk ṭha chawimawina, Union Home Minister's Medal for Excellence in Investigation 2023 dawng tura thlan a ni.

Mizoram Police IGP Lalbiakthanga Khiangte chuan Vanglaini zawhna chhangin, Home Minister's Medal for Excellence in Investigation chu kum tin hlan ṭhin ni mah se, Mizo zingah dawng an la tam lo tih a sawi a, "MIzoram police-ah dawng awm tawh mah se, dawng kan la tam lo hlein ka hria," a ti a; Lalnuntluanga chu naktuka Independence Day lawmnaah chawi-mawina hlan a nih dawn thu a sawi.