Lunglei police leh VDP ṭangho

Lunglei police-te leh Lunglei khawpuia VDP hrang hrangte chuan khawpui chhungah dan loa zu leh ruihhlo zawrhna doin ṭan an laho a, August 12, Inrinni khan joint operation neiin, heroin gram 22.225 leh zu litre 15.135 an man a, a kaihhnawihah mi pariat manin, police-in thubuai pali an ziak lut.

Police leh Lungleia VDP-te'n joint operation an kalpuiah hian mipui hnenah ruihhlo, internet hmanga pawikhawihna (cyber crime), kawngpui leh lirtheia himna chungchang inzirtirna hun an hmang nghal ṭhin a; pamphlet 500 sem chhuah a ni.