Session-in ni 2 a awh dawn

Tun Legislative Assembly term kal meka Assembly session hnuhnung ber tura ngaih chu August 22-23, 2023 khian neih a ni dawn.

Governor Dr Hari Babu Kambhampati chuan July 28, 2023 khan August 22 aṭanga neih ṭan turin session a ko a, Assembly speaker Lalrinliana Sailo kaihhruai Business Advisory Committee chuan session programme tur duangin, ni hnih chhunga neih turin an rêl a ni.

Mizoram State Legislative Assembly pariatna kal mekah hian ṭum 11 session neih a ni tawh a, August 22-a ṭan tur session chu a ṭum 12-na tur a ni ang. Assembly session hi session hnuhnung ber aṭanga chhiara thla ruk hmaa neih ṭhin a ngai a ni.