Aizawlah Har Ghar Tiranga Rally

Vawiina Indepen­dence Day puala in tina hnam puanzar zàrna, Har Ghar Tiranga pualin Aizawl Bawrhsap pisa chuan nimin khan Har Ghar Tiranga Rally an huaihawt a, bawrhsap Nazuk Kumar hoin thawktute leh zirlaite'n hnam puanzar kengin Bawrhsap Pisapui aṭanga MINECO thleng kawng an zawh.

Kawngzawhah hian ram tana inpekna tithar leh tura thutiam (Panch Pran Pledge) an sawi rual a; kum 2047 hma ngeia India ram chu ram hmasawn leh intodelha siam tur te, sala kûnna rilru paih bo vek tur te, ram leh hnam ziaráng chawi sang tur te, inpumkhatna tichak tur leh ram venghimtute zahna lantir zel tur te, khua leh tuite mawhphurhna hlen zel turtein an intiam a ni.

MINECO-a kawng-zawh khârna inkhawmah Nazuk Kumar chuan, Har Ghar Tiranga Rally leh Meri Maati Mera Desh Campaign-a tel zirlai leh sorkar hnathawkte chu zalenna neih hlutzia hre thar tura chahin, "Zalenna hnuaiah hmasawnna leh hamṭhatna hrang hrang kan nei a, ngaihhluta chhawr ṭangkaitu nih kan tum ṭheuh tur a ni," a ti a; India ramin zalenna a neih theihna tura inpete inpekna theihnghilh lo turin kal khawmte a chah.