Independence Day lawm dawn

Vawiin August 15 hi India-in Britain laka zalenna a hmuh champha, Independence Day vawi 77-na a ni a, Mizoram pumah lawm a ni dawn.

Independence Day hi Aizawlah chuan Lammualah lawm a ni dawn a, zing dar 8-ah ṭan tur niin, chief minister Zoramthanga'n hnam puanzar a pawt pharh ang. Zirlai, police leh paramilitary force-te'n parade neiin hnam puanzar chibai an bûk ang a, national leh state award hrang hrang sem a ni ang. Minister leh MLA dangte pawhin Independence Day hi district hrang hrangah an hmanpui dawn a ni.

Mizoram sorkar chuan Independence Day lawmnaa tel turin khua leh tuite a sáwm a, "A bik takin sorkar hnathawkte chu tel ngei tura hriattir an ni," tiin sorkar thuchhuahin a tarlang.