ZPM-ah beiseina sang tak an nei - ZPM Vice President

ZPM vice president Lalthansanga chuan, ZPM-in kalphung thar, mipui sorkar tih bâk zawrh tur an neih loh thu leh mipuiin ZPM-ah beiseina sang tak an neih mek thu a sawi.

Nimina ZPM pisaa inkhawmah thu sawiin Lalthansanga chuan, "ZPM chuan kalphung thar, mipui sorkar tih bak zawrh tur kan nei lo a, kan ṭhat bik vang leh fel bik vang ni loin mite’n ZPM-ah beiseina sang tak an nei mek. Kan dawn-thlèng kan zauh zel a, seat engzat nge kan lâk ang kan hre lo. Pathian leh ram mipui zarah kan sorkar ngei a rinawm hle a ni," a ti.

Lalthansanga chuan, "Sorkar kalphung a dik lohin mi retheite’n an tuar ṭhin a, state dang zára nung ve chauh kan nih avangin kan ṭhalaiten rual an awt a, chuvangin, ṭhalaite leh mi rethei zawkte’n ZPM an zawm chur chur a ni," a ti a; ṭawngṭai pawlte chhum lo chat loin ram tan an ṭawngṭai reng thu a sawi.

Inkhawmah hian ZPM leader Lalduhoma'n Lalṭhachungnunga hla phuah, 'Engtin nge i chhan dawn?' tih a tlangzarh a ni.