Agri. Minister-in central hotute a kâwm

Agriculture minister C Lalrinsanga chuan August 10-12, 2023 chhung khan sorkar laipuia hotute a kâwm a, Mizorama kut hnathawktute hmasawn dan tur a sawipui.

C Lalrinsanga hian August 10, 2023 khan Union Agriculture minister of state Kailash Choudhury chu a chenna inah a kâwm a, Mizoram mamawh hrang hrangte a sawipui. Kailash Choudhury chuan, Mizorama Krishi Vigyan Kendra (KVK) thar dinna turah EFC report peih a nih tawh thu leh Cabinet pawmpuina nghah mek a nih thu a lo hrilh.

KVK thar din chungchangah hian C Lalrinsanga chuan ICAR Agriculture Extension DDG Dr AK Singh a hmu nghal a; AK Singh chuan, Cabinet-in a pawmpui veleh bawhzui a nih tur thu a sawi.

Minister hian Union Agriculture secretary Manoj Ahuja pawh a hmu a, Mizorama Agricultural Technology Management Agency (ATMA)-in harsatna an tawhte a sawipui. An inkawmnaah hian ATMA hnuaia thawkte hlawh tur sum pek chhuah (sanction) nghal a nih thu sawi lan a ni.

C Lalrinsanga hian August 11 khan Union Power secretary Pankaj Agarwal a hmu a, nizung chakna (solar power) hmanga khawpui tihhmasawnna dan tur a sawipui a ni.Agri. Minister-in central hotute a kâwm