Ruihhlo do chungchang sawiho

Hnahthial District Task Force on Ruihhlo Do chu nimin khan Horeb Conference Hall-ah Social Welfare & Tribal Affairs minister Lalrinawma hoin an ṭhukhawm.

Minister Lalrinawma chuan, ruihhloin nasa takin ram a rún mek tih sawiin, "Ruihhlo do nan ṭhuang thuma hmalak a ni a, ruihhlo zawrh tihtlem (supply reduction), hman khawloh tihtlem (demand reduction) leh chhiatna a thlen tihtlem (harm reduction)-te a ni. Kan chhungkua kan fihlim rih avangin ngaihṭha taka awm mai tur kan ni lo a, a rêm thuai loh chuan tuar thei vek kan ni," a ti a; thingtlang khaw hrang hrangah ruihhlo do turin village task force din a ṭul thu a sawi.

Lawngtlai District Task Force on Ruihhlo Do pawh nimin khan an chairman H Lalhmingthanga hoin DC conference hall-ah an ṭhukhawm a; August 16, 2023-a Social Welfare & Tribal Affairs minister Lalrinawma hoa ruihhlo do chungchanga ṭhutkhawm huna pawimawh turte an sawiho a ni.