CSS tana special scheme nghakhlel

All Mizoram CSS Employees Coordination Committee (AMCECC) chuan thuchhuah siamin, CSS hnuaia thawkte a tahtawla dah nghehna tur leh medical reimbursement an neih ve theihna tura Council of Ministers ṭhukhawmin special scheme a pawm chu lawmawm an tih thu leh nghakhlel taka an thlir thu an tarlang.

AMCECC chuan, "Hun rei tawh tak ata sorkara kan dil leh phût anga CSS employee-te a tahtawla dah nghehna tur leh medical reimbursement kan bill ve theihna tur leh hamṭhatna hrang hrang July 31, 2023-a Council of Ministers meeting-in special scheme min pawmsak hi a lawmawm kan ti tak zet," an ti a; special scheme a awm theihna tura ṭhahnemngai taka buatsaihtu sorkar official te, Chief Minister leh minister-te chungah an lawm thu an sawi.

"Special scheme hi CSS employee-te chuan kan hman thuai theihna turin nghakhlel takin kan thlir mek a, a buaipuitu official-te pawhin theihtawp min chhuahsak zel turin kan ngen tak meuh a ni," tiin AMCECC chuan an tarlang bawk.