Tlawng luia tlate thia hmuh an ni

August 13, 2023 chhun dar 12 vela Tlawng lui Nghalchàwm kàia tla Lalmuanpuia (26) s/o Rokhuma leh Lalropeka (15) s/o Lalpekmawii, Ramthar Veng, Aizawl ve vete ruang chu nimin zing khan hmuh a ni.

Vanglaini thu dawn danin, tuitla zawngin mi eng emaw zatin luiah an riah chilh a, zing lama zawngtute chuan nimin zing dar 7:50 vel khan an tlakna aṭanga lui mawng lam km. 2 vela hláah Lalropeka ruang an hmu a, ruang chu Nghalchawm kàia an dah hnuah rim an hriat bawhzuiin ruang an hmuhna lamah an let lehnghal. Rei vak lo an zawn leh hnuah Lalmuanpuia ruang chu Lalropeka ruang an hmuhna velah tho an hmu leh a ni.

Lalmuanpuia leh Lalropeka te hi nimin tlai dar 3 khan vui an ni.