Hmeichhe naupang kut inthlak chungchangah FIR thehlut

Tun hnaia social media-a video darh, hmeichhe tleirawl pakhatin hmeichhe naupang nasa taka kut a thlak chungchangah Serchhip Police Station-ah first information report (FIR) a lut a, police-te chuan nimin khan naupang kutthlâktu chu thil an sawipui.

Police-te chuan FIR bawhzuiin, thil awm dan an chhui chiang a, hmeichhe naupang kutthlaktu chu nimin khan thu an zawtfiah. Hetih lai hian, kumtlinglo a nih avangin man a ni lo. Thil thleng hi Child Welfare Committee leh District Child Protection Office ten bawhzuiin an buaipui bawk.

Vanglaini thu dawn danin, police-te'n an chhui zawh hunah Juvenile Justice Board-in kutthlaktu chungchang an ngaih-tuah ang. JJB hi naupang, kum tling lo pawi-khawihtute chungthu ngaihtuahtu a ni.

Kum tling lo thil sual ti leh pawi-khawihtute hi jail-ah dah an ni ngai lo a, JJB-in ṭul a tih angin observation home-ahte enkawl ṭhin an ni.