Vote tla a ṭhat theih dan tur sawiho

Aizawl District Systematic Voters' Edu­ca­tion and Electoral Participation (SVEEP) Core Committee chu nodal officer C Laltleipuii kaihhruaiin nimin khan DC conference hall-ah an ṭhukhawm a; kumina MLA inthlanpui awm turah mipui a tam thei ang berin vote an thlak theihna tura hmalak dan tur an sawiho.

Ṭhutkhawmaah hian kum 2018 MLA inthlanpuia Aizawl district-a polling booth tina vote tlak dan te, vote tla zat tlemna hmuna vote tlak tlem chhan zir chian leh hmalak zui dan turte sawiho a ni.

Kum 2018-a inthlanpuiah khan Mizoram pumah vote tla 80.03% a ni a, Aizawl district bikah vote tla zat 70% aia tlemna polling booth pasarih a awm. Hetih rual hian, India ram state dangte nen khaikhinin Mizoramah vote a tla ṭha tlangpui.

SVEEP hi khua leh tui, vote nei thei zawng zawngte electoral roll-ah an inziah luh vek a, electoral roll-a chuang tawhte'n ram rorelna siamtu an nihna anga vote an thlak ngei theihna tura mipui zirtirna a ni.