Zirna a tlakhniam nasat avangin ṭan lâk nasat a ṭul - Education Minister

School Education minister Lalchhandama Ralte chuan nimin khan Chalrang Middle School kum 50-na, golden jubilee lawmna a hmanpui a; Mizoramah zirna a tlakhniam nasat avangin nasa taka ṭan lâk a ṭul thu a sawi.

Lalchhandama Ralte chuan, Chalrang khaw chhuak mi hlawhtling tak tak an awm thu sawiin, "Zirna, hriselna leh kawngpuite hi sorkar ngaih pawimawhte a ni. Sorkarin zirna siamṭhat nan zirtirtu sang chuang hun rei lote chhungin a la a, zirna in tlabal tawhte pawh a tahtawlin siamṭhat hna thawh tum a ni," a ti a; curriculum pawh a ṭul anga siamṭhat tum a nih thu a sawi.

Education Minister cuan, Mizoramah zirna a tlahniam nasa chu a vei thu sawiin, "Ṭan lakna tur a tam a, zirna hian hmun sang chang leh se la, zirlaite hi kan ram nghahfâk an nih avangin khawtlangin i duat thar ang u. Zirna humhalh kawngah khawtlangin neitu thinlung púa a humhalhnaah kan pianthar a ṭul," a ti.

Chalrang M/S hi January 16, 1970-ah din a ni a, golden jubilee lawmnaah hian Human Resource Development Board vice chairman L Thangmawia, MLA pawh a tel a ni.