Nupui thattu dam chhunga Jail-a táng turin hrem a ni

Aizawl additional district & session judge-I Ngursangzuali Sailo chuan, Zobiaksanga (35), Serchhip Dinthar Veng chu a nupui a thah avangin dam chhunga jail-a táng turin a hrem.

District & Session Judge hian Zobiaksanga hi August 16, Nilaini khan a nupui Rosangzuali (28) thah thubuaiah thiam loh a chantir tawh a, nimin khan hremna tur tichhuakin, damchhunga jail táng turin a hrem a ni.

Zobiaksanga hian a nupui hi May 29, 2022 tlai dar 2:30 velah a sawisa hlum a; a hnuah police-in an man a, tualthah thubuai an ziak lut. Rosangzuali ruang chu an khua, Lunglengah lak a ni a, a fapa kum 3 mi leh a fanu thla ruk mi a kalsan a ni.