Inthlanpui atana inbuatsaih dan thlirho

Lawngtlai district election officer H Lalhmingthanga, bawrhsap kaihhruaiin nimin khan Mizoram Legislative Assembly inthlanpui awm tura mawhprhuhna hrang hrang nei sorkar official-te DC Conference Hall-ah an ṭhukhawm a; inthlan inbuatsaihna kalpui mek leh hmachhawpte an thlirho.

Ṭhutkhawmah hian Tuichawng leh Lawngtlai West biala inkalpawh harsat zualna laite siamṭha tura hmalakna tur hrang hrang duan a ni a; buaipui hmasak ngaite leh mawhphurtu department hrang hrangte'n an bawhzui turte ruahman a ni bawk.

DEO H Lalhmingthanga chuan, August 29-31, 2023 chhungin Election Commission of India hotute'n Mizoram an rawn tlawh dawn thu leh Lawngtlai district-a hmalaknate chipchiar taka thlen a ngaih dawn thu a sawi a, "Inthlanna dik, felfai leh thianghlim nei turin mawhphurhna neite'n ṭha taka kan hlen ṭheuh a ngai a ni," a ti.