Kawng leh lei siamṭhat phûtin Mamitah bandh huaihawt dawn

Mamit Truck Owner Association (MTOA) chuan kawngpui leh lei siamṭhat an phût a, sorkar kar nan August 21, 2023 (Thawhṭanni) khian Mamit khawpuiah total bandh an huaihawt dawn.

MTOA chuan, an thil phut hrang hrangte a rang thei ang bera tihpuitlin a nih theih nan total bandh huaihawt an tum thu an tarlang a, "Mamit khawpui leh a chhehvel khuate'n harsatna kan tawh hi min siamsak thuai turin sorkar kan ngen a ni," an ti.

MTOA THIL PHÛT

▶ Dárlâk leh Bâwngvâ inkar Terei lei (bailey bridge) motor lian full load-in a zawh theih tura siam.

▶ National Highway 44A Dârlâk-Tuidam thawm ṭhat.

▶ Dárlâk leh Bâwngva inkar Terei luiah RCC bridge chak zawk siam.

▶ NH Tuidam kawngpui, June-July 2023-a siam tawha lirthei lian tlan phalsak.

▶ Mamit-Bairabi kawng thawm ṭhat.