Chief Minister lawmthu hrilh

Manipur-a Tengnoupal district aiawhte chuan nimin khan chief minister Zoramthanga a pisaah an kâwm a; Manipur buaina leh a kaihhnawih hrang hranga an thlavâng a hauh leh hma a laksak avanga an lawm thu an hrilh.

Chief Minister chuan, a theih chin chinah a rálmuang zawng zela hmalakna kalpui tum tlat turin a lo chah a; Mizoram sorkarin mipui harsatna tâwkte mamawh phuhrûkna leh ṭanpui theihna apiangah theihtawp a chhuah zel dawn tih sawiin, "Mizoram leh Manipur inkalpawhna kawngte pawh Mizoram sorkarin a chei ṭha zel dawn," a ti. Sorkar laipuiin Aizawl leh Churachandpur inkar helicopter thlawhtir a remtih avangin harsatna tam tak a ziaawm phah a beisei thu a sawi bawk.