Minister-in Muga Grainage Centre a tlawh

Sericulture minister Lalrinawma chuan nimin khan Durtlanga muga pangang (muga silkworm) chi siamna hmunpui, Muga Grain­age Centre a tlawh. Muga pangangte chu India hmarchhak state-ah chauh a awm thei tih tarlan a ni.

Sorkar thuchhuah tarlan danin, tun din-hmunah muga pangang seed cocoon man chu a chî tur atana lei chuan pakhat Rs 3 a ni a, la duang atana lei a nih chuan Rs 1.90 man a ni. Muga pangang tui kg. khat hi Rs 14,000 man a ni a, muga silk la duang kg. khat chu Rs 28,000 vel man a ni thung.

Mizoramah muga pangang ramtlá a awm nual a, Búl leh Nauthak hnahte chawah an ring. Hmarchhak state-a phai khaw lumah nipui laiin muga pangang an khawi hlawhchham ṭhin a, Mizoramah chuan ṭha takin khawlum lai pawhin an khawi hlawh­tling ṭhin.

Kuminah pawh hlawhtling taka khawi a ni a, pangang tui tharte chu Mizorama pangang khawitute tana duan a nih bakah, phai lama thawn chhuah tura ruahman a ni bawk.