Mizo tualzál nun zirho a ni

Art & Culture department hnuaia Tribal Research Institute chuan nimin khan Chanmari YMA Hall-ah 'Mizo tualzál nun - hmãn leh tun' tih thupui zirhona an buatsaih a, Art & Culture director Carol VLMS Dawngkimi'n a hmanpui. Mizo High School, Aizawl College leh IMFA Dance & Music zirlaite leh Mizo Academy of Letters aiawhte an tel.

Zirhona hi TRI senior research officer F Lalthanmawia'n a kaihruai a; Carol VLMS Dawngkimi chuan, pi leh pute nundan ṭha leh mawi hriat leh chhawmnung zel turin kalkhawmte a chah.

Prof. RL Thanmawia'n 'Mizo tualzál nun - hmãn' tih thupui a sawi a, Prof. Malsawmliana'n 'Mizo tualzál nun - tunlai' tih a sawi thung.