Pawl 8-in thisen unit 320 an pe

August 19, Inrinni khan páwl pariatin thisen unit 320 an pe. KṬP, Zotlang Branch, Aizawl ten an kohhran hall-ah Synod Hospital tan unit 41 an pe a, petute mipa 36 leh hmeichhia panga an ni a; ṬKP, Zemabawk Pastor Bialte'n an hmunah Civil Hospital tan unit 27 an pe a, petute mipa 22 leh hmeichhia panga an ni.

Civil Hospital, Aizawl Blood Centre-ah pawl pathumin an pe. General PYD (Mizoram UPC)-in unit 88 pein, petute mipa 69 leh hmeichhia 19 an ni a, Mizoram Chakma Student Union, Aizawl Zone member mipa 20 leh hmeichhia parukte'n unit 26 an pe a, Tualcheng Student Union-in unit 10 an pe a, petute mipa pakua leh hmeichhia pakhat an ni. Mimala thisen pe (individual donor) mi panga an awm bawk.

Lunglei Civil Hospital Blood Centre-ah Lunglei district PYD (NEI)-te'n thisen unit 59 an pe a, petute mipa 49 leh hmeichhia 10 an ni. ṬKP, Lunglei Electric Bial-in Farm Veng Sunday School Hall-ah Civil Hospital tan unit 51 an pe a, petute mipa 37 leh hmeichhia 14 an ni. ṬKP, New Serchhip Bialte pawhin Serchhip District Hospital tan unit 18 an pe a, petute hmeichhia 10 leh mipa pariat an ni.