Covid-19: Mizoram dinhmun Hripui vei 32 hmuh belh a ni

November 5, Ningani khan ZMC laboratory-ah mi 885, TrueNAT-PCR hmangin district pakuaah mi 79 leh RAT hmangin district pakuaah mi 444-te swab sample endik a ni a, a vaiin sample 1,408 niin, hripui vei mi 32 hmuh chhuah a ni.

Sorkar thuchhuah tarlan danin, Covid-19 vei ZMC laboratory-a RT-PCR hmanga hmuh chhuahte chu mipa pakua leh hmeichhia 13, Aizawl khawpui chhunga mi vek an ni a, a naupang ber kum 9 mi leh upa ber kum 93 an niin, kum 93 mi hi Mizorama hripui vei hmuh tawh zinga a upa ber nia thu dawn a ni. An zingah state páwn aṭanga lut thar an awm lo.

TrueNAT-PCR hmang­in Champhai District Hospital-ah hripui vei hmeichhia kum 45 mi hmuh chhuah a ni a, Champhai Kahrawt Venga khawsa mek, symptom nei lo a ni tih sorkar thuchhuahin a tarlang.

RAT hmanga hmuh chhuah mi 10-te chu Aizawla mi pasarih, Cham­phaia mi pahnih leh Lawngtlaia mi pakhat an ni a; mipa leh hmeichhia panga ve ve niin, a naupang ber kum 3, a upa ber kum 68 an ni.