Hnam dang pasala nei candidate Dodal tur thu MZP-in an puang

MZP General Head­quarters Executive Committee chu nimin khan an president Lalnun­mawia Pautu kaih­hruaiin MZP conference hall-ah an ṭhukhawm a; Mizoram Assembly inthlanpuiah hnam dang kawppui neite candidate-a dah an awm chuan an do tlat dawn thu an puang nawn.

MZP ṭhukhawm chuan, "MZP chuan hnam dang kawppui neite candidate an nih hian inchîmralna kawngah nasa takin bu a khuar zel dawna kan hriat avangin kan do tlat a ni," an ti a; political party zingah hnam dang kawppui neite MLA candidate atana dah an awm chuan hnualsuat turin Mizo mipui an ngen nghal.

Hetih lai hian MZP chuan, political party hrang hrang hnena MLA candidate atan hnam dang kawppui neite dah lo tura an ngennain zawm a hlawh avanga an lawm thu an tarlang bawk.